ڈیرہ اسماعیل خان سے اسدعباس نمائندہ نیوز ٹائم
تفصیلات کے مطابق زیر قیادت ایس ڈی پی او سٹی سرکل فضل رحیم خان گنڈہ پور ہمراہ ایس ایچ او سٹی اسلم خان نے چوروں اور منشیات فروشوں کے خلاف کامیاب کارروائی عمل میں لائی ہے۔
مورخہ 2021-12-22 کو تھانہ سٹی کی حدود میں موٹر کار سوزوکی مہران نمبر LRS-4650 و دیگر متفرق سامان چوری ہوا،جس کی رپورٹ تھانہ سٹی میں درج رجسٹر ہوئی، ایس ڈی پی او سٹی فضل رحیم خان اور ایس ایچ او اسلم خان نے جدید سائنسی و تکنیکی بنیادوں پر چوری کی واردات کو سرانجام دینے والے ملزم اختر منیر ولدعجب نور قوم مروت سکنہ کلاچی کو ٹریس کر کے گرفتار کر لیا،جبکہ گرفتار ملزم سے چوری شدہ مذکورہ بالا موٹر کار اور دیگر متفرق سامان بھی برآمد کر لیا گیا۔
اسی طرح دوسری کارروائی میں ایس ایچ او سٹی اسلم خان نے منشیات فروشوں کے خلاف کاروائی کرتے ہوئے ملزم محمد رشید ولد محمد حنیف قوم سیال سکنہ محلہ مولوی احمدصاحب ڈیرہ سے 510 گرام چرس برآمد کرکے ملزم مذکورہ بالا کو گرفتار کرکے مقدمہ درج کرلیا۔
سٹی پولیس کا چوروں اور منشیات فروشوں کے خلاف شکنجہ سخت،چوری شدہ موٹر کار سمیت 510 گرام چرس برآمد، ملزمان گرفتار، مقدمہ درج
