اسلام آباد (نمائندہ خصوصی) سید یوسف رضا گیلانی نے کہا کہ وہ سینیٹ میں اپوزیشن لیڈر نہیں رہنا چاہتے ، انہوں نے اپنا استعفیٰ پارٹی قیادت کو بھجوا دیا ہے ۔
نجی ٹی وی دنیا نیوز کے مطابق سینیٹ اجلاس میں سید یوسف رضا گیلانی نے کہا کہ ایجنڈےمیں نہیں لکھا گیا کہ سٹیٹ بینک ترمیمی بل پیش کیاجائےگا، معاملے پر اعتماد میں بھی نہیں لیاگیا، ترمیمی بل کمیٹی کوبھی نہیں بھجوایاگیا، کمیٹیاں پارلیمانی روایات کیلئےبنائی گئی ہیں، آدھی رات کوایجنڈاجاری کرنامناسب نہیں تھا۔
سید یوسف رضا گیلانی نے کہا کہ سپیکر،چیئرمین سینیٹ کا کردار غیر جانبدار ہونا چاہئے ، انہیں کسی صورت جانبدار نہیں ہونا چاہئے مگر ملک کی تاریخ میں پہلی بار چیئرمین سینیٹ نے ووٹ دیا ، چیئرمین کو ترمیمی بل منظور کرنے کیلئے ووٹ نہیں ڈالنا چاہئے تھا ، چیئرمین اور سپیکر ہاؤس کی نمائندگی کرتے ہیں نہ کہ حکومت کی ، میں اپوزیشن لیڈر کے عہدے پر نہیں رہنا چاہتا ۔
سید یوسف رضا گیلانی نے کہا جب میں وزیر اعظم تھا تو میں نے آئین کا تحفظ کیا ، مجھے مجھے سوئس حکام کو خط لکھنے کا کہا گیا مگر میں نے نہیں لکھا، صدر وفاق کی علامت ہے اور صدر کو تحفظ حاصل ہے۔
