اسلام آباد (نمائندہ خصوصی) خیبرپختونخوا کے بلدیاتی انتخابات کے پہلے مرحلے میں 221 پولنگ سٹیشنوں پر ری پولنگ کا اعلان کر دیا گیا، ری پولنگ 13فروری کو ہو گی ۔
نجی ٹی وی 92 نیوز کے مطابق ری پولنگ کا عمل ان پولنگ سٹیشنوں پر ہو گا جہاں انتخابی مواد ، پولنگ ریکارڈ ، بیلٹ باکسز چھیننے ، سٹاف کو یرغمال بنانے ، اغواء کرنے کے واقعات پیش آئے تھے ۔
الیکشن کمیشن کی جانب سے پشاور کے ایک ، نوشہرہ کے دو ، خیبر کے 29 پولنگ سٹیشنوں پر دوبارہ پولنگ کا حکم دیا گیا ہے ۔ مردان کے تین ، کوہاٹ اور درہ آدم خیل کے تمام 54 پولنگ سٹیشنوں پر دوبارہ پولنگ ہوگی۔
ری پولنگ کا عمل ان نشستوں پر بھی ہوگا جن کے امیدوار انتقال کر گئے تھے ، چھ پولنگ سٹیشنوں کے کیسز عدالتوں میں جن پر فیصلہ جلد متوقع ہے ۔
خیبرپختونخوا کے بلدیاتی انتخابات کا پہلا مرحلہ ، 221 پولنگ سٹیشنوں پر ری پولنگ 13 فروری کو ہوگی
