پاکستان نیشنل سیونگز ایمپلائیز یونین سی بی اے سکھر ریجن کے زیر اہتمام ملازمین کی بڑی تعداد نے مطالبات کے حصول کیلئے کام چھوڑ ہڑتال کی

Feb 9, 2021

سکھر (رپورٹ.امداد علی گل کلوڑ)پاکستان نیشنل سیونگز ایمپلائیز یونین سی بی اے سکھر ریجن کے زیر اہتمام ملازمین کی بڑی تعداد نے مطالبات کے حصول کیلئے کام چھوڑ ہڑتال کی اور احتجاجی مظاہرہ کیا، مظاہرے کی قیادت یونین رہنماؤں لیاقت علی کلھوڑو۔ سلیم مزاری، ارشد سومرو، محمد توقیر شیخ، عبدا للہ چاچڑ، ہزار خان بھٹی و دیگر کر رہے تھے اس موقع پر مذکورہ رہنماؤں اور ملازمین نے اپنے حقوق کیلئے نعریبازی کرتے ہوئے کہا کہ ملازمین کے جانب سے دیئے گئے چارٹر آف ڈیمانڈ کو کئی ماہ بیت گئے ہیں لیکن ہمارے جائز مسائل حل ہونے کا نام نہیں لے رہے ہیں مطالبات منظور نہ ہونے کی وجہ سے ملازمین میں شدید مایوسی و بے چینی کی فضاء پھیل گئی ہے، ملازمین ادارے کی ترقی کیلئے دن رات خدمات میں مصروف عمل ہے لیکن انہیں انکے حقوق سے محروم رکھا جا رہا ہے جو کسی صورت برداشت نہیں کیا جائیگا رہنماؤں نے کہا کہ آٹھ سال قبل ڈکیتی کے دوران ڈرائیور ہزارو خان بھٹی جان پر کھیل کر ادارے کے لاکھوں روپے بچائے تھے لیکن اعلان کردہ طور پر اسکے بیٹے کو بھی نوکری فراہم نہیں کی گئی ہے جو انتہائی ظالمانہ اور افسوسناک عمل ہے جس کی جتنی مذمت کی جائے کم ہے، رہنماؤں اور ملازمین نے بالا حکام سے نوٹس لیکر ملازمین کے جائز حقوق فی الفور تسلیم کرنے کا پرزور مطالبہ کیا ہے۔