سندھ کے تیسرے بڑے شہر سکھر میں ٹریفک کے بڑھتے ہوئے مسائل کے خاتمے کیلئے سکھر انتظامیہ اور منتخب نمائندگان کی جانب سے کئے جانے والے اعلانات کے باوجود ٹریفک مسائل ختم ہونے کا نام نہیں لے رہے.اختر آرائیں

سکھر( اسٹاف رپورٹر) پسما سندھ کے نائب صدر اختر آرائیں نے کہا ہے کہ پرائیویٹ اسکولز تعلیم کے فروغ کے لئے اپنا کردار ادا کررہے ہیں حکومت پرائیویٹ اسکولوں کو مراعات دینے کے لئے اقدامات کرے ان خیالات کا اظہار انہوں نے ایسوسی ایشن آف پرائیویٹ اسکولز انسٹی ٹیوشنز سکھر سندھ کے وفد سے ملاقات کے دوران کیا وفدکی قیادت نائب صدر محمود الحسن کررہے تھے وفد میں شہزادہ گلفام ، محمد حمزہ شیخ ، شکیل راجپوت، شبانہ خاصخیلی، امجد اور دیگر شامل تھے وفد نے سکھر کے پرائیویٹ اسکولوں کے مسائل کے بارے میں آگاہ کیا پسما کے نائب صدر اختر آرائیں نے وفد کو اپنے ہر ممکن تعاون کا یقین دلاتے ہوئے کہا کہ ہم نے سندھ بھر کے پرائیویٹ اسکولوں کے مسائل کو ترجیحی دی ہے اور ان سے ہر قسم کے تعاون کے لئے جدوجہد کررہے ہیں کرونا وائرس کے دوران پرائیویٹ اسکول مالکان میں تکلیف سے گذرے ہیں اس کے ازالے کے لئے حکومت اور محکمہ تعلیم پرائیویٹ اسکولوں کے ساتھ تعاون کرے وفد نے پسما کے مرحوم چیئرمین شرف الزمان کے انتقال پر ان کے اسکول جاکر اسٹاف سے تعزیت کی اور ان کی خدمات پر مرحوم کو خراج عقیدت پیش کیا۔