چارسدہ خانمائی پولیس کی کامیاب کاروائی

عمران خان خیبر پختون خواہ سے
تفصیلات کے مطابق اسلم پرویز ولد محمد زمان سکنہ مسلم خان کلےنے تھانہ خانمائی میں رپورٹ درج کرتے ہوئے پولیس کو بتایا کہ میں اپنے تیز رفتار چنگچی پر آئے روز محنت مزدوری کے بعد گھر جارہا تھا کہ بمقام توت کلے راستے پرصدیق ولد یوسف سکنہ توت کلے نے اپنی موٹر سائیکل اچانک گھمایااور میرے سامنے کھڑاکرکے پستول کی نوک پر مجھ سے 40ہزار روپے میری جیب سےبزور نکال کر فرار ہو گیا۔ تھانہ خانمائی میں ملزم کے خلاف مقدمہ درج کیا گیا۔ واقعہ کا فوری نوٹس لیکر ڈی پی او چارسدہ زیب اللہ خان نے ایس پی انوسٹی چارسدہ سجاد خان کی سربراہی میں ڈی ایس پی سرڈھیری، ایس ایچ او تھانہ خانمائی جاوید خان اور انوسٹی گیشن آفیسر پر مشتمل ٹیم تشکیل دے کر ملزمان کی گرفتاری کا ٹاسک حوالہ کیا۔ تفتیشی ٹیم نے تفتیش شروع کرتے ہوئے واقعہ میں ملوث ملزم صدیق ولد یوسف سکنہ توت کلے کوگرفتار کیا۔ملزم کے قبضہ سے چھینی گئی رقم برآمد کیا گیا ہے۔ ملزمان سے مزید تفتیش جاری ہے۔