ڈی پی او چارسدہ زیب اللہ خان کا انسداد پولیو مہم کی سیکیورٹی چیک کرنے کے سلسلے میں مختلف علاقوں کا دورہ۔

عمران خان خیبر پختون خواہ سے
ڈی پی او چارسدہ زیب اللہ خان کا انسداد پولیو مہم کی سیکیورٹی چیک کرنے کے سلسلے میں مختلف علاقوں کا دورہ۔پولیو کی ٹیموں کے ساتھ تعینات نفری چیک، فول پروف سیکیورٹی کے فرائض سرانجام دینے پر اطمینان کا اظہار
آئی جی خیبر پختونخوا ڈاکٹر ثناءاللہ عباسی اور ریجنل پولیس آفیسر مردان ریجن یاسین فاروق کی خصوصی ہدایات پر ڈسٹرکٹ پولیس آفیسر چارسدہ زیب اللہ خان نے جاری انسداد پولیو مہم کی سیکیورٹی کو چیک کرنے کے سلسلے میں ضلع چارسدہ کے مختلف علاقوں کا دورہ کیا جہاں پر پولیو کی مختلف ٹیموں کے ساتھ سیکیورٹی پر مامور پولیس اہلکاروں کو چیک کیا گیا اور پولیو کے عملے سے سیکیورٹی کے حوالہ سے دریافت کیا جس پر پولیو کے عملے نے سیکورٹی کے انتظامات اور اہلکاروں کی کارکردگی پر مکمل اطمینان کا اظہار کیا۔سیکیورٹی کے انتظامات پر اطمینان کرتے ہوئے انہوں نے پولیو کی ٹیموں کے ساتھ تعینات نفری کو ہدایات جاری کرتے ہوئے کہا کہ پولیو کی ٹیموں کی حفاظت ہماری اولین ترجیح ہے اسلئے ہمہ وقت چاک و چوبند رہیں اور مشکوک افراد پر کڑی نظر رکھیں تاکہ کسی بھی ناخوشگوار واقعہ سے بچاجاسکے۔