کوروناوائرس کی تیسری لہرسے عوام کے بچائو اورعیدالفطرکے موقع پرامن وامان کے قیام کے لیے ڈیرہ اسماعیل خان شہر،سرکلرروڈاورمضافاتی علاقوں میں پولیس ،ضلعی انتظامیہ اورپاک فوج نے مشترکہ فلیگ مارچ کیا۔

ڈیرہ اسماعیل خان سے اسدعباس نمائندہ نیوز ٹائم
کوروناوائرس کی تیسری لہرسے عوام کے بچائو اورعیدالفطرکے موقع پرامن وامان کے قیام کے لیے ضلعی پولیس آفیسرکیپٹن(ر)نجم الحسنین لیاقت اورڈپٹی کمشنر ڈیرہ عارف اللہ اعوان کی ہدایت پرڈیرہ اسماعیل خان شہر،سرکلرروڈاورمضافاتی علاقوں میں پولیس ،ضلعی انتظامیہ اورپاک فوج نے مشترکہ فلیگ مارچ کیا۔ فلیگ مارچ کی قیادت ایڈیشنل ایس پی اسلم خٹک ،اسسٹنٹ کمشنر ڈیرہ نواب سمیر حسین لغاری نے کی ۔ فلیگ مارچ میں ٹریفک پولیس کے ہیوی موٹرسائیکلز،پولیس اورضلعی انتظامیہ کی گاڑیاں اورپاک فوج کے دستے شامل تھے بعدازاںضلعی پولیس آفیسرکیپٹن(ر)نجم الحسین لیاقت نے میڈیا سے گفتگوکرتے ہوئے بتایاکہ کورونا وائرس کی تیسری لہر خطرناک ہے ۔شہری حکومتی ایس اوپیز پرمکمل عمل کریں۔ماسک کااستعمال کریں۔حکومت کی جانب سے کوروناسے بچائوکے حوالے سے لگائے گئے لاک ڈائون پرعمل کیاجائے ۔پولیس حکومتی احکامات پرعمل کرے گی۔ شہری حکومتی ایس اوپیز کے حوالے سے اداروں سے تعاون کریں ۔