اسلام آباد (نمائندہ خصوصی) مسلم لیگ ن کے رہنما رانا ثناء اللہ نے کہا کہ جہانگیر ترین کا گروپ ابھی نہیں بنا ، یہ بہت پہلے سے موجود تھا ، گروپ نے اگر ہم سے رابطہ کیا تو جواب ضرور دیں گے ۔
نجی ٹی وی جیو نیوز کے مطابق رانا ثناء اللہ نے کہا کہ پنجاب میں مسلم لیگ ن کی اکثریت ہے مگر اسے مانا نہیں جاتا، ہم نہیں چاہتے کہ عثمان بزدار کو ہٹا کر خود پاور میں آجائیں ، جہانگیر ترین کا گروپ پی ٹی آئی کا پریشر گروپ ہے ، یہ تحریک انصاف کیلئے خطرے کا باعث ہو سکتا ہے ۔
رہنما مسلم لیگ ن کا مزید کہنا تھا کہ ہم حکومت کو وقت دینے یا ان کی مدت پورے کرنے کے حق میں نہیں ۔
