کس ملک کے کرکٹ بورڈ کے ڈاکٹر کو پی سی بی نے قومی ٹیم کا ڈاکٹر مقرر کر دیا گیا ؟ بڑی خبر

لاہور (نمائندہ خصوصی)نجی ٹی وی نے ذرائع کے حوالے سے دعویٰ کیا ہے کہ بنگلا دیش کرکٹ بورڈ کے ڈاکٹر منظور چوہدری کو پاکستان کرکٹ ٹیم کا ڈاکٹر مقرر کر دیا گیا ہے۔
نجی ٹی وی جیونیوز کے مطابق پی سی بی نے چیف میڈیکل آفیسر ڈاکٹر نجیب سومرو کو ٹی ٹوئنٹی ورلڈ کپ تک تعینات کیا تھا اور ڈاکٹر نجیب سومرو سیمی فائنل کے بعد وطن واپس آ گئے ہیں۔پاکستان کرکٹ بورڈ نے بی سی بی سے ایک ماہر ڈاکٹر کی دستیابی کی درخواست کی تھی۔پی سی بی نے ڈاکٹر نجیب سومرو کی جگہ بنگلادیش کرکٹ بورڈ کے ڈاکٹر منظور چوہدری کو پاکستان ٹیم کا ڈاکٹر مقرر کر دیا ہے اور ڈاکٹر منظور چوہدری نے ڈھاکا میں پاکستان ٹیم کو جوائن بھی کر لیا ہے۔
خیال رہے کہ پاکستان کرکٹ ٹیم متحدہ عرب امارات میں ٹی ٹوئنٹی ورلڈکپ میں شرکت کے بعد بنگلا دیش پہنچ گئی ہے جہاں دونوں ٹیموں کے درمیان 3 ٹی ٹوئنٹی اور 2 ٹیسٹ میچز کھیلے گی۔