ڈھاکہ (نمائندہ خصوصی) قومی کرکٹ ٹیم دورہ بنگلہ دیش پر موجود ہے جہاں پہلے ٹی 20 میچ کیلئے قومی کرکٹ ٹیم کے 12 رکنی سکواڈ کا اعلان کر دیا گیا ہے ۔
اعلان کردہ سکواڈ میں حیدر علی ، محمد نواز اور محمد وسیم کو بھی بنگلہ دیش کے خلاف پہلے ٹی 20 میچ میں موقع دیا جا رہا ہے ۔ ٹیم کے دیگر کھلاڑیوں میں کپتان بابر اعظم ، وکٹ کیپر محمد رضوان ، شاہین شاہ آفریدی ، خوشدل شاہ ، فخر زمان ، حارث رؤف شعیب ملک اور حسن علی شامل ہیں ۔
واضح رہے کہ پاکستانی ٹیم دورہ بنگلہ دیش کے دوران تین ٹی 20 میچز اور دو ٹیسٹ میچز کھیلے گی ۔ ٹی 20 میچز 19، 20اور 22 نومبر کو کھیلے جائیں گے ۔
پہلا ٹیسٹ 26 سے 30 نومبر جبکہ دوسرا ٹیسٹ میچ 4 دسمبر سے 8 دسمبر کو کھیلا جائے گا۔
تینوں ٹی 20 میچز ڈھاکہ سٹیڈیم جبکہ پہلا ٹیسٹ میچ چٹو گرام اور دوسرا ڈھاکہ میں کھیلا جائے گا۔
دورہ بنگلہ دیش ، پہلے ٹی 20 میچ کیلئے قومی ٹیم کے 12 رکنی سکواڈ کا اعلان کر دیا گیا
