انگلش کرکٹر ٹِم برسنین نے تمام طرز کی کرکٹ سے ریٹائرمنٹ کا اعلان کردیا

Feb 1, 2022

کراچی، یکم فروری (غلام مصطفے عزیز)سابق انگلش کرکٹر ٹِم برسنین نے تمام طرز کی کرکٹ سے ریٹائرمنٹ کا اعلان کردیا ہے۔2010 کے ٹی ٹوئنٹی ورلڈکپ کی فاتح انگلش ٹیم کے آل رائونڈر ٹِم برسنین نے پیر کے روز اپنے ڈومیسٹک کلب واروکشائر کے ذریعے اپنے 20 سالہ طویل کرکٹ کیریئر کو خیرباد کہا۔ٹِم برسنین نے اپنے بیان میں کہا کہ کرکٹ کو خیر باد کہنا میرے لیے مشکل فیصلہ تھا ، مجھے اپنے 20 سالہ کیریئر پر فخر ہے۔یاد رہے کہ انہوں نے اپنے فرسٹ کلاس کیریئر کے دوران 7 سنچریوں کی بدولت 7 ہزار ایک سو 38 رنز بنائے جبکہ575 وکٹیں حاصل کیں۔اس کے علاوہ ٹِم نے انگلینڈ کی نمائندگی کرتے ہوئے 23 ٹیسٹ ،85 ون ڈے اور 34 ٹی ٹوئنٹی انٹرنیشنل میچز کھیلے۔