مین آف دی سیریز عثمان قادر نے اپنی شاندار پرفارمنس کا کریڈٹ بیوی کو دے دیا

راولپنڈی (نمائندہ خصوصی)قومی کرکٹ ٹیم کے کھلاڑی عثمان قادر نے زمبابوے کے خلاف ٹو ئنٹی سیریز میں مین آف دی سیریز کا اعزاز حاصل کر کے کریڈٹ اپنی بیوی کو دے دیا ۔تیسرے میچ کے اختتام پر بات کرتے ہوئے عثمان قادر نے کہا کہ آج اپنے والد عبدالقادر کی بہت یاد آرہی ہے ۔رمیض راجہ نے سوال پوچھا کہ آپ نے اپنے والد کو باولنگ کراتے ہوئے دیکھا ہے؟اس پر عثمان قادر نے کہا کہ میں نے براہ راست میچ میں والد صاحب کو باولنگ کراتے نہیں دیکھا لیکن ان کی ویڈیوز دیکھ کر باولنگ میں نکھار لانے میں بہت فائدہ ہوا ہے ۔ان کا کہنا تھا کہ میں نے آج ذہن بنا یا ہوا تھا کہ جس گیند پر اچھا کنٹرول آرہا ہوگا وہ ہی کروں گا ،پہلی گیند گوگلی کرائی تو وہ اچھی لائن پر گری ۔عثمان قادر کا کہنا تھا کہ میں مین آف دی میچ اور مین آف دی سیریز حاصل کرنے کا کریڈ ٹ اپنی بیوی کو دیتا ہوں جنہوں نے بہت قربانیاں دیں ۔واضح رہے کہ عثمان قادر تیسرے ون ڈے میچ میں چار وکٹیں حاصل کر کے مین آف دی میچ بھی قرار پائے۔