اسلام آباد(نمائندہ خصوصی) وفاقی وزیر داخلہ شیخ رشید احمد نے کہا ہے کہ کورونا وبا کے پیش نظرنیشنل کمانڈ اینڈ کنٹرول آپریشن سنٹر(این سی او سی) کی ہدایت پر طور خم بارڈر کو بند کردیا گیاہے۔
تفصیلات کے مطابق سماجی رابطے کی ویب سائٹ ٹوئٹر پر اپنے پیغام میں شیخ رشید کا کہنا تھا کہ کورونا وباکے باعث این سی او سی کی جاری کردہ ہدایات کے مطابق طورخم بارڈر کو آج (6 جولائی) سے ہر طرح کی آمدورفت کے لئے بند کردیا گیا ہے۔
ایک اور پیغام میں ان کا کہنا تھا کہ پاک ، افغان سرحد پر طورخم امیگریشن مرکز ہر طرح کی آمدورفت کے لئے تب تک بند رہے گا جب تک این سی او سی کی طرف سے نئی ہدایات وزارت داخلہ کو موصول نہیں ہوتیں۔
طور خم بارڈر ہر طرح کی آمد و رفت کے لئے بند۔۔ وزیرداخلہ شیخ رشید احمد نے اہم بیان جاری کردیا
