ایس پی انوسٹی گیشن وہاڑی ڈاکٹر بشری جمیل نے چارج سنبھالتے ہی شہریوں کی طرف سے موصول ہونے والی مختلف درخواست ہائے کو سماعت کرنے کے لئے کھلی کچہری کا انعقاد کیا.
تفصیلات کے مطابق ایس پی انوسٹی گیشن وہاڑی ڈاکٹر بشری جمیل نے چارج سنبھالتے ہی شہریوں کی طرف سے موصول ہونے والی مختلف درخواست ہائے کو سماعت کرنے کے لئے کھلی کچہری کا انعقاد کیا. اس موقع پر انہوں نے تمام درخواستوں/ شکایات کا بغور جائزہ لیا اور داد رسی کرتے ہوئے مسائل کے فوری حل کے لئے احکامات جاری کئے. اس موقع پر ایس پی انوسٹی گیشن ڈاکٹر بشری جمیل کا کہنا تھا کہ میرٹ پر انصاف کی فراہمی ہماری اولین ترجیحات میں شامل ہے. اوپن ڈور پالیسی کے تحت عوامی مسائل کے حل کے لئے ہمارے دروازے ہمہ وقت کھلے ہیں. ہمارا مقصد عوام کی خدمت اور قانون کی بالادستی کو یقینی بنانا ہے. کرائم کی بیخ کنی کے لئے تمام اقدامات کئے جا رہے ہیں. جلد ہی تمام تھانہ جات کا وزٹ کر کے کرائم کی صورتحال, ریکارڈ کی تکمیل اور سنگین مقدمات کی صورتحال کا جائزہ لیا جائے گا.
