بہادر پور کے اتائیوں کے دو سرغنہ ان پڑھ جعلی حکیموں جان محمد اور مشتاق ببلو اور دیگر کا صحت کے نام پر انسانی زندگیوں سے کھلواڑ بدستورجاری

بہاولپور (نمائندہ نیوز ٹائم)بہادر پور کے اتائیوں کے دو سرغنہ ان پڑھ جعلی حکیموں جان محمد اور مشتاق ببلو اور دیگر کا صحت کے نام پر انسانی زندگیوں سے کھلواڑ بدستورجاری،ایلوپیتھک اور اسٹیرائیڈ ادویات کا اندھا دھند استعمال،گردے ناکارہ ،محکمہ ہیلتھ بہاولپور اور لودھراں خاموش تماشائی،کاروائی کا مطالبہ۔تفصیل کے مطابق بہادر پور جلال پور کے اتائیت کا بہت بڑا گڑھ بن چکا ہے 50 سے زیادہ افراد اتائیت کے مکروہ دھندہ میں ملوث ہیں پندرہ سے زیادہ ٹیمیں ملک بھر کے مختلف علاقوں میں پھیل کر سادہ لوح لوگوں کو ژوب مشین لگا کر بے وقوف بنا کر ہزاروں روپے اینٹھ لیتے ہیں جبکہ ان نوسربازوں کے سرغنہ ان پڑھ جعلی،کریمنل، نوسرباز حکیم جان محمد عرف جانو نائی،مشتاق ببلو اور جعلی ڈسپنسرز ضیا اللہ اور کاشف نے بھی ات مچا رکھی ہے انسانی زندگیوں سے صحت کے نام پر کھلواڑ بدستور دھڑلے سے جاری ہے مضر صحت اسٹیرائیڈ ادویات کا بے دریغ استعمال کرتے ہیں ان کے غیر رجسٹرڈ دواخانے،یزمان،ہتھیجی،شاہی والا،42 ہزاری،کہروڑ پکا اور دیگر علاقوں میں موجود ہیں محکمہ ہیلتھ نشان دہی کے باوجود فرضی کاروائیوں تک محدود ہے بہاولپور اور لودھراں کے عوامی و سماجی حلقوں نے وزیر اعلی پنجاب،چیئرمین پنجاب ہیلتھ کیئر کمیشن کمشنر بہاولپور،کمشنر ملتان سے ان کے خلاف فوری کارروائی کا مطالبہ کیا ہے تاکہ انسانی زندگیوں کو بچایا جا سکے۔