نسیم شاہ کی ہٹ ٹرک پر تمیم اقبال نے اپنے رنج کا اظہار کردیا اور ساتھ ہی ہیٹ ٹرک گیند پر آوٹ ہونے والے محمد اللہ کی غلطی بھی بتا دی

راولپنڈی(نمائندہ خصوصی)بنگلہ دیش کرکٹ ٹیم کے اوپنر تمیم اقبال نے نسیم شاہ کی ہیٹ ٹرک کی وجہ سے اپنی ٹیم کے غیر مستحکم ہونے پر دکھ کا اظہار کردیا ۔ان کا کہنا تھا کہ جب نسیم شاہ ہیٹ ٹرک گیند کر رہے تھے، محمد اللہ کا اس گیند پر شارٹ سلیکشن درست نہیں تھا۔بنگلہ دیش کی دوسری اننگز میں 6 چوکوں کے ساتھ 34 رنز کی اننگز کھیلنے والے بائیں ہاتھ کے اوپنر کا کہنا تھا کہ پچ بیٹنگ کے لیے کسی طور بھی پریشانی کا باعث نہیں تھی، البتہ ہم مانتے ہیں کہ ہم سے کوتاہیاں ہوئیں، جس کے سبب آج ہم مشکل صورتحال کا شکار ہیں۔تمیم بولے تیسری وکٹ پر مومن اور نجم کے مابین 71 رنز کی شراکت نے ہماری پوزیشن کو خاصاً مستحکم کر دیا تھا، البتہ صرف تین گیندوں نے ہمارے لیے سب کچھ بدل دیا ہے۔