عمران خان خیبر پختون خواہ سے
ڈی پی او خیبر وسیم ریاض نے عہدے کا چارج سنبھالنے کے بعد یادگار شہدا خیبر پر حاضری دی ہے
انہوں نے یادگار شہدا پر پھول چڑھائے اور شہداء پولیس کے بلند درجات کے لئے دعا کی انہوں نے پولیس شہدا کی قربانیوں کو خراج عقیدت بھی پیش کیا جوانوں کی قربانیوں کو تاریخ میں سنہرے حروف سے لکھا جائے گا
انہوں نے شہدا کے چیئرمین سے کہاں کہ شہدا خاندان خیبرپختونخواہ پولیس کا حصہ ہیں ہر غم خوشی میں ہم انکے ساتھ ہیں،
بعد از انہوں نے تھانہ جمرود کا دورہ کیا جہاں پر سرکاری اسلحہ کا جائزہ لینے کیساتھ ساتھ تھانہ ریکارڈ، رجسٹرات، نفری سٹیٹمنٹ اور ڈیوٹی چارٹ چیک کیا۔
شہریوں کو بہترین خدمات کی فراہمی کے حوالے سے محرر سٹاف کو ضروری ہدایات دی محرر سٹاف کو تھانہ آنے والے سائلین کے ساتھ عزت و احترام سے پیش آنے، بزرگ شہریوں کے مسائل کو ترجیحی بنیادوں پر حل کرنے اور شہریوں کو بروقت قانونی معاونت فراہم کرنے کی ہدایت کی۔ تھانہ جمرود کے محرر کو بہترین کارکردگی پر نقد انعام کے ساتھ سرٹیفکیٹ کا بھی اعلان کیا حوالات میں بند ملزمان سے بات چیت کی اور ان سے درپیش مسائل کے بارے میں آگاہی حاصل کی۔
قانون کی بالادستی اور میرٹ کو ہر حال میں مقدم رکھا جائے گا عوام سے بدسلوکی اور اختیارات سے تجاوز پر کنٹرول پہلی ترجیح ہے شہری پولیس کے مختلف اور مثبت رویئے کو محسوس کریں گےشہریوں کے جان و مال کے ساتھ ساتھ ان کی عزت نفس کے تحفظ کو یقینی بنانا ترجیحات میں شامل ہے عوام کے ساتھ نرم رویئے اور اخلاقیات پر کوئی سمجھوتا نہیں کیا جا سکتا۔
