• Sun. Jul 6th, 2025

News Time HD TV

Ansar Akram

ڈسکہ میں(ن)لیگ نہیں جیتی،پی ٹی آئی ہاری ہے،فوادچودھری

Apr 11, 2021

اسلام آباد(نمائندہ خصوصی)وفاقی وزیر سائنس و ٹیکنالوجی فوادچودھری کاکہناہے کہ ڈسکہ میں(ن)لیگ نہیں جیتی،پی ٹی آئی ہاری ہے،ہارنے کی وجوہات ہیں جن پرپارٹی کے اندرتوجہ دلاتارہا۔
فوادچودھری نے سماجی رابطے کی ویب سائٹ ٹوئٹر پر اپنے ٹوئٹ میں کہاہے کہ نوازشریف کاکوئی نظریہ نہیں،(ن)لیگ کوئی نظریاتی جماعت نہیں،ان کاکہناتھا کہ طویل عرصہ اقتدارمیں رہنے سے مفاداتی ٹولہ بن جاتاہے،ان حواریوں کونظریاتی نہیں کہاجاسکتا۔
وفاقی وزیر کامزیدکہناتھا کہ پاکستان میں جمہوریت کی امید عمران خان ہیں، عمران خان کے مقابلے میں کوئی سیاسی قد کاٹھ کا لیڈر نہیں ،ان کاکہناتھا کہ بلاول اور مریم کو پاکستان کا لیڈر تسلیم کرنا جمہوریت کے منہ پر تھپڑجیساہے،پی ٹی آئی کو اپنی صفیں درست کرنا ہوں گی،ملک کا مستقبل پی ٹی آئی اورعمران خان کی کامیابی سے وابستہ ہے۔