پی ٹی وی کے پروگرام میں شعیب اختر کے استعفے کے بعد ایکسپرٹ پینل میں موجود غیر ملکی کھلاڑی نے کیا کہا ؟ ڈاکٹر نعمان نیاز کو منہ پر ہی شرمند ہ کردیا

اسلام آباد(نمائندہ خصوصی)سابق برطانوی کرکٹر ڈیوڈ گاور بھی شعیب اختر کی حمایت میں سامنے آگئے،ڈاکٹر نعمان نیاز کے سامنے ہی واقعے کو افسوسناک قرار دے دیا ۔
سرکاری ٹی وی شو میں پیش آئے واقعے کے بعد ایکسپرٹ پینل میں شامل سابق برطانوی کرکٹر اور کمنٹیٹر ڈیوڈ گاور نے کہا کہ ایسا واقعہ ٹی وی پر کبھی نظر نہیں آیا،ہماری ٹیم سے ایک بندہ کم ہو گیا،مگر ہم ابھی بھی اچھی ٹیم ہیں۔
واضح رہے کہ گزشتہ روز شو کے دوران سرکاری ٹی وی کے اینکر اور شعیب اختر کے درمیان بحث ہوئی جس پر سرکاری ٹی وی کے اینکر کے نامناسب رویئے پر شعیب اختر نے پروگرام سے استعفیٰ دے دیا۔خیال رہے کہ سرکاری ٹی وی پر جاری ورلڈ کپ کے شو میں بحیثیت ایکسپرٹ پینل میں ویسٹ انڈین لیجنڈ ویو رچرڈز، ڈیوڈ گاور، عاقب جاوید، راشد لطیف ، عمر گل ،اظہر محمود اور سپر اسٹار شعیب اختر شامل تھے۔