چنیوٹ() ڈی پی او چنیوٹ سید حسنین حیدر نے تھانہ سٹی چنیوٹ کا وزٹ کیا ۔ تھانہ کی عمارت،حوالات،فرنٹ ڈیسک،تعمیراتی کام اورتھانہ کے ریکارڈ کا جائزہ لیا ۔ ڈی پی او نے تھانہ سٹی کے پولیس افسران سے کرائم میٹنگ کی ۔ میٹنگ میں ایس ایچ اوسٹی انسپکٹر ظفر اقبال،تفتیشی افسران اور ملازمان نے شرکت کی ۔ میٹنگ میں کرائم،امن وامان اور زیرتفتیش مقدمات کا جائزہ لیا گیا ۔ ڈی پی او نے افسران کو ہدایت کی کہ زیرتفتیش مقدمات کو بروقت میرٹ پر یکسو کیا جائے،گشت کے نظام کو مزید موثر بنایا جائے ۔ مجرمان اشتہاریوں کی گرفتاری، جرائم پیشہ عناصر کی بیخ کنی ،منشیا ت کے خاتمے کیلئے تمام ممکن ذرائع بروئے کار لائے جائیں ۔ تھانہ چوکیات میں آنے والے لوگوں کیساتھ خوش اخلاقی سے پیش آئیں اور انکی فوری دادرسی کریں ۔ کسی بھی مظلوم کیساتھ کسی قسم کی نا انصافی زیادتی ہرگز برداشت نہیں کی جائےگی ۔ پولیس افسران و ملازمان تھانہ کلچر کی تبدیلی،پولیس اور عوام کے درمیان اعتماد کی فضا کو مستحکم کرنے کیلئے کردار ادا کریں ۔ ڈی پی او نے خطاب کرتے ہوئے کہا کہ غیر قانونی حراست،پولیس تشدد،عوام سے بداخلاقی،بدتمیزی کرنے والوں کیخلاف زیرو ٹالرنس پالیسی ہے اور ایسے افسران و ملازمان کیخلاف سخت محکمانہ و قانونی کاروائی عمل میں لائی جائے گی ۔ ڈی پی او نے کہا کہ ہم سب ایک فیملی اور ٹیم کی طرح ہیں ۔ آپ سب کا دکھ سکھ میرا دکھ سکھ ہے اور کسی بھی معاملے میں آپ سب مجھے اپنے ساتھ کھڑا پائیں گے ۔ کسی بھی جوان کومیڈیکل،ٹرانسفر،گھریلو محکمانہ یا کوئی دیگر مسئلہ درپیش ہو تو ہمہ وقت مجھے مل سکتا ہے میں اسکا مسئلہ حل کروں گا ۔ تمام افسران وملازمان نیک نیتی ،تندہی اور دیانتداری سے اپنے فرائض سرانجام دیں اور اپنا مورال بلند رکھیں ۔
بلال الطاف نیوز ٹائم چنیوٹ
