لندن (نمائندہ خصوصی) انگلینڈ کی کرکٹ ٹیم کے کھلاڑی جوئے روٹ کی اپنے بلے کے ساتھ “جادو گری” کی ویڈیو سامنے آگئی۔
ویڈیو میں دیکھا جاسکتا ہے کہ جوئے روٹ نے اپنے بلے کو بنا کسی سہارے کے سیدھا کھڑا کیا ہوا ہے اور یہ گر بھی نہیں رہا۔ انگلش کرکٹ بورڈ نے اپنے ٹوئٹر ہینڈل پر یہ ویڈیو شیئر کرتے ہوئے لکھا ” تصدیق کی جاتی ہے کہ جوئے روٹ ایک جادو گر ہیں۔”
خیال رہے کہ انگلینڈ اور آسٹریلیا کے مابین 8 دسمبر سے ایشز سیریز کا آغاز ہونے جا رہا ہے اور دونوں ٹیموں کے کھلاڑی اس بڑے مقابلے کی تیاریوں میں مصروف ہیں۔
انگلش کھلاڑی جوئے روٹ کا بلے کے ساتھ ایسا کرتب کہ جادوگروں کو بھی پیچھے چھوڑ دیا، ویڈیو دیکھ کر حیرت کی انتہا نہ رہے
