• Tue. Jul 1st, 2025

News Time HD TV

Ansar Akram

دورہ پاکستان کے بعد اب سری لنکن بورڈ بولرز کی تربیت کیلئے کس پاکستانی کی خدمات حاصل کرنے پر غور کررہاہے؟ نام سامنے آگیا

Oct 6, 2019

کولمبو،لاہور(ویب ڈیسک) وسیم اکرم اب سری لنکن بولرز کو سوئنگ کا سبق پڑھائیں گے، آئی لینڈ بورڈ کی جانب سے پاکستان کے سابق اسٹار کی خدمات حاصل کیے جانے کا امکان ہے۔
 سابق پاکستانی سٹار فاسٹ بولر وسیم اکرم کی جانب سے سری لنکن پیسرز کو سوئنگ بولنگ کے اسرارورموز سکھائے جانے کا امکان ہے، بورڈ ان کی خدمات حاصل کرنے پر سنجیدگی سے غور کرنے لگا، جلد ہی باقاعدہ بات چیت شروع ہونے کا بھی امکان ہے، اگر اس حوالے سے کوئی ڈیل ہوئی تو پھر وسیم مختصر وقت کیلیے سری لنکا کے کوچز اور سینئر کھلاڑیوں کے ساتھ سیشن کریں گے۔وہ پہلے ہی اس حوالے سے دلچسپی ظاہر کرتے ہوئے واضح کرچکے کہ اگر ایس ایل سی اپنے پیس بولنگ ڈپارٹمنٹ میں بہتری کیلیے ان کی خدمات حاصل کرنا چاہتا ہے تو وہ بھی اس کیلیے تیار ہیں۔ سری لنکا کے موجودہ فاسٹ بولرز کی کارکردگی زیادہ اچھی نہیں، خاص طور پر وہ اس وقت اچھا پرفارم کرنے میں ناکام رہتے ہیں جب اشد ضرورت ہوتی ہے۔

سری لنکا اگلے ورلڈ کپ اور ٹیسٹ چیمپئن شپ کے تناظر میں بہترین کھلاڑی تیار کرنا چاہتا ہے، اسی لیے وسیم اکرم کے ساتھ انگلش پاور ہٹنگ کوچ جولین ووڈکی بھی خدمات حاصل کرنے کا خواہاں ہے، وہ ہارڈ ہٹرز کی تکنیک کو بہتر بنانے میں کافی مہارت رکھتے ہیں، ان سے بھی بات چیت کا عمل جلد شروع کیے جانے کا امکان ہے۔