ممبئی (نمائندہ خصوصی) بھارت کے 1983 کا کرکٹ ورلڈ کپ جیتنے کے موضوع پر بننے والی فلم میں رنویر سنگھ نے اداکاری کا 20 کروڑ روپے معاوضہ لیا جب کہ وہ فلم کی کمائی میں سے بھی حصے دار ہوں گے۔
بھارتی میڈیا کے مطابق فلم “83” میں رنویر سنگھ نے ورلڈ کپ جیتنے والی بھارتی کرکٹ ٹیم کے کپتان کپل دیو کا کردار نبھایا ہے۔ اس کے علاوہ ان کی اہلیہ اداکارہ دپیکا پڈکون نے فلم میں کپل دیو کی بیوی کا کردار نبھایا ہے۔
فلم “83” کی پرموشن کا سلسلہ جاری ہے اور میاں بیوی کی یہ جوڑی بھارت سمیت دنیا بھر میں اپنی فلم کی تشہیر جاری رکھے ہوئے ہیں۔ فلم 23 دسمبر کو سینما گھروں کی زینت بنے گی۔
