ویانا(نمائندہ خصوصی) آسٹریا میں نئے سال کا جشن مناتے ہوئے بم پھٹنے سے ایک نو جوان جاں بحق اور تین زخمی ہو گئے ۔نئے سال کی آمد پر کچھ نوجوان اپنے علاقہ بادن ایک پارک میں ملے اور آتش بازی کرنے لگے ۔ اس موقع پر ایک بم فوری طور پر نہ پھٹا تو چاروں دوست اس ناکارہ بم کا معائنہ کرنے اس کے پاس چلے گئے ،اسی دوران بم اچانک پھٹ گیا جس کے نتیجے میں 23سالہ نوجوان جاں بحق جبکہ اس کے تین دوست شدید زخمی ہو گئے ۔
جائے وقوعہ پر موجود لوگوں نے زخمیوں کو پاس کے ہسپتال میں منتقل کیا۔ حادثے کی جگہ پر مزید سروے اور کرائم سین کا کام ضلع کی پولیس کررہی ہے ۔ مقامی پولیس نے بتایا کہ آتش بازی کی جگہ کا دھماکہ خیز مواد کے ماہر نے معائنہ کیا ہے جس کی تفتیش شروع کردی گئی ہے۔ آسٹریا بھر کے مختلف شہروں میں بھی کئی افراد آتش بازی سے زخمی ہونے کی اطلاعات ہیں۔
ٹائرول میں بھی آتش فشاں اشیا کے دو واقعات میں جزوی طور پر لوگوں کو شدید زخمی ہونے کی اطلاع ہے۔ فرال برگ میں ایک 19 سالہ نوجوان گھر کے سامنے ایک راکٹ چلانا چاہتا تھا۔ اس کے 59 سالہ والد اس کے بالکل پاس کھڑے تھے جب نوجوان نے فیوز پر راکٹ کو اگنیشن کرنے کی کوشش کی تو وہ اچانک پھٹ گیا۔ دھماکے کے نتیجے میں 19 سالہ نوجوان کی دونوں آنکھوں بری طرح متاثر ہوئیں۔اس کے والد کو پیشانی میں زخم آیااور سماعت سے محرومی کا سامنا کرنا پڑا۔ترائس کیرکھن میں 42 سالہ نوجوان زخمی۔ سالزبرگ کے ایبیناؤ میں ایک 35 سالہ آسٹرین شہری آتشبازی کی چیز کو سنبھالتے ہوئے شدید زخمی ہو گیا۔ اسے سالزبرگ کے ہسپتال داخل کرادیا گیا۔ سالزبرگ پولیس نے بتایا کہ ایک اور شخص کو بھی چہرے اور ہاتھوں پر چوٹیں آئیں لیکن وہ خود ہسپتال جانے کے قابل تھا۔
کارنتھیا میں ایک 14 سالہ لڑکا پٹاخے کی زد میں آ گیا۔ایک نامعلوم شخص نے نوجوان کے قریب پٹاخے اس وقت بھڑکائے جب وہ اور اس کے والد پیٹرنین کمیونٹی سپٹل این ڈیر ڈراؤ ڈسٹرکٹ میں باہر آتش بازی دیکھ رہے تھے۔دھماکے سے لڑکا سماعت سے محروم ہو گیا اور نامعلوم شخص ملحقہ اپارٹمنٹ کی عمارت میں غائب ہو گیا۔عینی شاہدین نے اس کی شناخت گھر کے 43 سالہ کرایہ دار کے طور پر کی پائروٹیکنکس قانون کی خلاف ورزی اور لاپرواہی سے آسٹریا بھر میں جسمانی نقصان سے متعلق سروے جاری ہیں۔
