نئی دلی (نمائندہ خصوصی) بھارت کے دارالحکومت میں انڈین ایئر فورس کے ٹرانسپورٹ طیارے میں لینڈنگ کے دوران آگ لگ گئی۔
انڈیا ٹوڈے کے مطابق ایئر فورس کے ٹرانسپورٹ طیارے میں دلی کے اندرا گاندھی ایئر پورٹ پر لینڈنگ کے دوران آگ لگ گئی۔ بھارتی فضائیہ کی جانب سے جاری بیان میں کہا گیا ہے کہ طیارے کا عملہ محفوظ ہے، حادثے کی وجوہات جاننے کیلئے تحقیقات شروع کردی گئی ہیں۔
ذرائع کا کہنا ہے کہ طیارے کے پہیوں میں آگ لگی تھی۔ لینڈنگ کے بعد فوری طور پر عملے کو بحفاظت باہر نکال لیا گیا جبکہ ایئر پورٹ انتظامیہ نے آگ پر قابو پالیا۔
