افغانستان کیساتھ کشیدہ صورتحال کے پیش نظر وزیر اعظم نے اعلیٰ سطح کا مشاورتی اجلاس طلب کر لیا، اہم فیصلے متوقع

اسلام آباد (نمائندہ خصوصی) وزیر اعظم عمران خان نے افغانستان کے ساتھ کشیدہ صورتحال پر اعلیٰ سطحکا مشاورتی اجلاس طلب کرلیا ، اجلاس میں اہم فیصلے کئے جانے کی توقع ہے ۔
وزیر اعظم کے طلب کردہ اجلاس میں افغانستان کی حالیہ صورتحال پر حکمت عملی بنائی جائے گی جبکہ دیگر اندرونی و بیرونی چیلنجز بھی زیر غور آئیں گے ۔
واضح رہے کہ وزیر اعظم کی زیر صدارت گزشتہ شب بنی گالہ میں بھی اہم مشاورتی اجلاس ہوا ، اجلاس میں ملکی سکیورٹی سمیت دیگر معاملات زیر غور آئے۔ اجلاس میں وزیر اعظم کو افغانستان کی حالیہ صورتحال پر بریفنگ دی گءی ۔
اجلاس میں آزاد کشمیر کی انتخابی مہم پر بھی بریفنگ دی گءی ، وزیر اعظم نے آزاد کشمیرکے انتخابات کو بھرپور انداز میں لڑنے کی تاکید کی جبکہ ملکی سکیورٹی صورتحال سمیت خطے کے معاملات پر گہری نظر رکھنے کی ہدایت کی ۔