بھارت کا جنگی جنون ، براہموس اور ٹینک شکن گائیڈڈ میزائل کا تجربہ

نئی دہلی (نمائندہ خصوصی)بھارت نے اپنے توسیع پسندانہ عزائم کو آگے بڑھانے کی غرض سے بحری فوج کے استعمال کے لئے جدید سپرسانک برہموس کروز میزائل اور ایک آدمی کے ذریعے اٹھائے جانے والے ٹینک شکن گائیڈڈ میزائل (MPATGM) کا تجربہ کیا۔
کشمیر میڈیا سروس کے مطابق بھارت کے دفاعی تحقیق وترقی کے ادارے (ڈی آر ڈی او) نے دعویٰ کیا ہے کہ وشاکھاپٹنم میں بھارتی بحریہ کے جہازسے فائر کیے گئے برہموس سپرسانک کروز میزائل سے سمندر سے سمندر میں مقررہ ہدف کو نشانہ بنایا گیا۔بھارتی وزیر دفاع راج ناتھ سنگھ نے بھی ایک ٹویٹ میں میزائل کے کامیاب تجربے کا دعویٰ کیا۔دریں اثناءڈی آر ڈی او نے مین پورٹ ایبل ٹینک شکن گائیڈڈ میزائل (MPATGM) کا بھی تجربہ کیا۔بھارتی وزارت دفاع نے دعویٰ کیا کہ MPATGM ایک کم وزن والا میزائل ہے۔