کراچی(غلام مصطفے عزیز) کراچی کنگز نے پشاور زلمی کو 10 رنز سے شکست دے دی، مین آف دی میچ بابر اعظم نے 78 اور عماد وسیم نے 50 رنز بنائے، زلمی کے لائم لیونگ اسٹون نے 54 اور کامران اکمل نے 43 رنز اسکور کئے۔ کراچی کنگز نے مقررہ 20 اوور میں 201 رنز بناکر پشاور زلمی کو جیت کے لئے 202 رنز کا حدف دے دیا تھا۔ گورنر سندھ عمران اسماعیل نے مین آف دی میچ کا ایوارڈ بابراعظم کو دیا۔ نیشنل اسٹیڈیم کراچی میں جمعہ کو کھیلے جانے والے پاکستان سپرلیگ (پی ایس ایل) کے دوسرے میچ میں پشاور زلمی کے کپتان ڈرین سیمی نے ٹاس جیت کر کراچی کنگز کو پہلے بیٹنگ کرنے کی دعوت دی۔کراچی کنگز نے مقررہ 20 اوورز میں 201 رنز بنائے۔کراچی کنگز کی پہلی وکٹ مجموعی اسکور 25رنز پر گری جب شرجیل خان 11 گیندوں پر ایک چوکا اور 2 چھکوں کی مدد سے 19 رنز بنانے کے بعدحسن علی کی گیند پر شعیب ملک کے ہاتھوں کیچ آئوٹ ہوئے تاہم بابر اعظم زلمی کے بالرز کے سامنے چٹان بن کر کھڑے رہے۔ دوسری وکٹ کی شراکت میں 48 رنز کا اضافہ کرنے کے بعد کیمرون ڈیلپورانفرادی اسکور 20 رنز پر محمد محسن کی گیند پر کلین بولڈ ہوگئے۔جس کے بعد کپتان عماد وسیم نے اپنی اننگ کا آغاز کیا لیکن بدقسمتی سے جب مجموعی اسکور 170 رنز پر پہنچا تو اس موقع پر بابر اعظم78 رنز بنانے کے بعد ٹوم بینٹن کی تھرو پر رن آئوٹ ہوکر پویلین واپس لوٹ گئے۔ انہوں نے اپنی اننگ میں 56 گیندوں کا سامنا کیا اور 7 چوکے اور 2 چھکے لگائے۔کراچی کنگز کے چوتھی وکٹ 180رنز پر گری۔ عماد وسیم نے 30 گیندوں پر 3 چوکوں اور 3 چھکوں کی مدد سے 50 رنز بنائے اور وہ حسین علی کی گیند پر شعیب ملک کے ہاتھوں کیچ آئوٹ ہوئے۔ کراچی کنگز نے مقررہ اوورز میں 201 رنز بنائے اور اس کے 4 کھلاڑی آئوٹ ہوئے۔ حسن علی نے 2 اور محمد محسن نے ایک وکٹ حاصل کی۔جواب میںپشاور زلمی نے اپنی اننگ کا آغاز برق رفتاری سے کیااور ابتدائی 3.2 اوورز میں 29 رنز بنائے اس موقع پر ان کے اوپنر ٹوم بینٹن13 رنز بناکر جورڈن کی گیند پر ایل بی ڈبلیو ہوگئے جس کے بعد بیٹنگ کے لئے آنے والے بیٹسمین حیدر علی صرف 4 رنز بناکر جورڈن کی گیند پر کلین بولڈ ہوگئے۔چوتھے نمبر پر بیٹنگ کے لئے آنے والے شعیب ملک بھی خاطرخواہ کارکردگی کا مظاہرہ نہیں کرسکے اور 16 رنز بناکر ارشد اقبال کی تھرو پر رن آئوٹ ہوگئے۔اوپننگ کے لئے آنے والے کامران اکمل نے اچھی کارکردگی کا مظاہرہ کرتے ہوئے اپنی ٹیم کے لئے اسکور بورڈ پر 43 رنز کا اضافہ کیا لیکن وہ کیمرون ڈیلپورٹ کی گیند پر کلین بولڈ ہوگئے۔اس موقع پر ڈوسن وکٹ پر موجود تھے لیکن بدقسمتی سے وہ بھی 22 رنز بناکر محمد عامر کی گیند پر محمد رضوان کے ہاتھوں کیچ آئوٹ ہوگئے۔پانچویں نمبر پر بیٹنگ کے لئے آنے والے لائم لیونگ اسٹون اس موقع پر ٹیم کو سہارا دیا اور کپتان ڈرین سیمی کے ساتھ ملکر اسکور کو 190 رنز تک پہنچایا۔زلمی کو آخری تین گیندوں پر میچ جیتنے کے لئے 12 رنز درکار تھے لیکن اس موقع پر ڈرین سیمی 30 رنز بنانے کے بعد عمید آصف کی گیند پر 30 رنز بنانے کے بعد کوڈ اینڈ بولڈ ہوگئے جن کے وھاب ریاض بھی عمید آصف کی گیند پر محمد رضوان کے ہاتھوں کیچ آئوٹ ہوگئے اور اس طرح کراچی کنگز کو 10 سے کامیابی حاصل ہوگئی۔جورڈن اور عمید آصف نے دو دو کھلاڑیوں کو آئوٹ کیا جبکہ محمد عامر اور ڈیلپورٹ نے ایک ایک وکٹ حاصل کی۔ پشاور زلمی کی ٹیم میں کپتان ڈرین سیمی، وکٹ کیپر کامران اکمل، ٹوم بینٹن، حیدر علی، لائم لیونگ اسٹون، شعیب ملک، لائم ڈاسن، وھاب ریاض، حسن علی، محمد محسن اورراحت علی شامل ہیں جبکہ کرچی کنگز میں کپتان عماد وسیم، بابر اعظم، شرجیل خان، وکٹ کیپر محمد رضوان، کیمرون ڈیلپورٹ، چیڈویک ولٹن، محمد عامر، عمید آصف، کرس جورڈن، افتخار احمد اور ارشد اقبال شامل ہیں