کراچی(نمائندہ خصوصی)پاکستان سٹاک مارکیٹ کاروباری ہفتہ کے آخری روز پہلے ہی ایک گھنٹے میں شدید مندی کا شکار ہوگئی اور آج رواں ہفتے میں تیسری بار بازار حصص میں کام کاروبارعارضی روکنا پڑ گیا۔صبح صبح ہی ہنڈرڈ انڈیکس میں 1682.96پوائنٹس کمی ہوگئی جس کی وجہ سے سرمایہ کاروں کے اربوں روپے ڈوب گئے۔
تفصیلات کے مطابق آج سٹاک مارکیٹ میں انتہائی مندی کی صورتحال ہے، کاروباری ہفتے کے آخری روز مارکیٹ کاروبار کے آغاز پرہی شدید کساد بازاری کا شکارہوگئی۔ 10 منٹ بعد ہی لین دین کو 30 منٹ کیلئے روکنا پڑا گیا۔کاروباری ہفتے کے پہلے روز جب مارکیٹ کھلی تو انڈیکس 35 ہزار956 پر تھا اور پہلے 30 منٹ میں انڈیکس1682 پوائنٹس نیچے گیااور34,266.91تک جا پہنچا۔
انڈیکس میں 4 اعشاریہ 68 فیصد کمی کے بعد خودکار طریقہ کے تحت مارکیٹ فریز ہوگئی اور کاروبارعارضی طورپربند کردیا گیا۔ اسٹاک مارکیٹ میں شدید مندی کے سبب سرمایہ کار محتاط ہیں۔ شدید مندی کے سبب کاروبار سرگرمیاں30 منٹ کیلئے روک دی گئی ہیں۔اس وقت 100انڈیکس 34,273.73پر ٹریڈ کررہا ہے۔
یکم نومبر 2019سے اب تک سٹاک مارکیٹ تیسری بار فریز ہوئی ہے۔ ماضی میں سٹاک مارکیٹ میں مجموعی طور پر4فیصد کم ہوئی تھی تو کاروبار شروع ہونے کے 5منٹ بعد ہی 45منٹس کیلئے روکا گیاتھا۔
یادرہے گزشتہ روز بھی پاکستان اسٹاک مارکیٹ میں شدید مندی رہی 100 انڈیکس میں 1716 پوائنٹس کی کمی ریکارڈ کی گئی۔ کاروباری ہفتے کے چوتھے روز بھی 100انڈیکس میں 1324پوائنٹس کی کمی ہوئی جس کے سبب تجارتی سرگرمیاں جزوی طور پر معطی کر دی گئی تھیں۔اسٹاک مارکیٹ میں کاروباری ہفتے کے چوتھے روزیعنی جمعرات کو کاروبار کا ا?غاز منفی زون میں ہی ہوا۔ کے ایس ای 100 انڈیکس میں کاروبار کے ا?غاز پر ہی 803 پوائنٹس کی کمی ہو گئی اور انڈیکس 36 ہزار 870 پوائنٹس تک گر گیا تھا۔
