کنگا رناوت نے امریکی گلوکارہ سے جنگ چھیڑ لی

نیو دہلی(نمائندہ خصوصی)خبروں میں رہنے کا ہنر جاننے والی بھارتی اداکارہ کنگا رناوت نے امریکن گلوکارہ ریحانہ کی ٹویٹ کا جواب دیتے ہوئے بھارتی کسانوں کو دہشت گرد قرار دے دیا ہے۔
سماجی رابطے کی ویب سائٹ ٹویٹر پر امریکی گلوکارہ نے ٹویٹ کی تھی جس میں کہا گیا تھا کہ ہم ان کسانوں کے بارے میں کیوں بات نہیں کررہے؟اس ٹویٹ کا جواب دیتے ہوئے بھارتی اداکارہ نے کہا ہے کہ ان کے بارے میں کوئی اس وجہ سے بات نہیں کررہا کیونکہ یہ کسان نہیں دہشت گرد ہیں،جو انڈیا کو تقسیم کرنے کی کوشش کررہے ہیں تاکہ چائنہ اس پر قبضہ کرکے اسے اپنی کالونی بنالے۔ادکارہ نے اپنی ٹویٹ میں امریکی گلوکارہ کو پاغل قرار دیتے کہا کہ تم جیسی کٹھ پتلی کی طرح ہم اپنی قوم کو بیچ نہیں سکتے۔