شیخوپورہ میں پولیس نے کاروائی کرتے ہوے لاہور میں منشیات کی بھاری مقدار سمگل کرنے کی کوشش ناکام بنا دی خاتون سمیت دو ملزمان گرفتار ملزمان سے اڑھائی کروڑ روپے مالیت کی پانچ من سے زاید افیون اور چرس برآمد کرلی گئی۔۔

(عرفان خان درانی نیوزٹائم شیخوپورہ )شیخوپورہ پولیس کے ترجمان سید واجد عباس کے مطابق موٹروے کوٹ عبدالمالک انٹرچینج کے قریب تھانہ فیکٹری ایریا پولیس نے ناکہ لگایا ہوا تھا دوران ناکہ اسلام آباد کی جانب سے آنے والی کار کو مشکوک جان کر روکا گیا تو دوران تلاشی کار سے اعلی کواٹی کی 180 کلو چرس اور 36 کلو افیون برآمد ہوئی جس پر پولیس کار میں سوار خاتون اور ایک شخص کو حراست میں لیکر تفتیش کی تو ملزمان نے بتایا کہ وہ۔منشیات کو لاہور سمگل کررہے تھے پولیس ترجمان کے مطابق گرفتار ملزمان پنجاب کے دیگر اضلاع میں بھی منشیات سمگل کرنے کے مکروہ دھندے میں ملوث تھے۔برآمد ہونے والی پانچ من سے زاید منشیات کی قیمت دو کروڑ پچاس لاکھ روپے سے زاید بتاِئی جارہی ہے۔ریجنل پولیس آفیسر شیخوپورہ رینج انعام وحید نے کاروائی میں حصہ لینے والی پولیس پارٹی ایس ایچ او تھانہ فیکٹری ایریا افضال ڈوگر سمیت دیگر پولیس اہلکاروں کو نقد کیش انعام اور تعریفی سرٹیفکیٹ دینے کا اعلان کیا ہے