کابل(نمائندہ خصوصی)طالبان نے وزیردفاع اور مرکزی بینک کے سربراہ سمیت دیگر اہم عہدوں پر تعیناتیاں کردی ہیں۔
تفصیلات کے مطابق طالبان نے حاجی محمد ادریس المعروف ملا عبدالقہار کو افغانستان کے مرکزی بینک کا قائم مقام سربراہ مقرر کردیا ہے۔ نئے سربراہ نے عملے کو فوری طور ملازمتوں پر واپسی کی ہدایت کی ہے۔ ہمت اخوندزادہ کو قائم مقام وزیرِ تعلیم مقرر کردیا گیاہے۔ نئے وزیر تعلیم کا کہنا ہے کہ شرعی قوانین کی حدود میں رہتے ہوئے لڑکیوں کی تعلیم کے لیے پُرعزم ہیں۔الجزیرہ ٹی وی کے مطابق ملا عبدالقیوم ذاکر کو وزیردفاع مقرر کیا گیاہے،ملا عبدالقیوم ذاکر افغانستان میں امریکہ کی آمد کے بعد کئی سال گوانتامو بے جیل میں بھی قید رہے۔
طالبان نے اہم عہدوں پر تعیناتیاں کردیں
