ایف ایف سی کے زیر اہتمام چاول کے نمائشی پلاٹ پر فیلڈ ڈے کا انعقاد کیا گیا۔

بہاولپور(نویداقبال چوہدری سے) ایف ایف سی کے زیر اہتمام چاول کے نمائشی پلاٹ پر فیلڈ ڈے کا انعقاد کیا گیا۔ اس تقریب میں لوگوں کی کثیر تعداد نے شرکت کی۔ اجلاس کے مہمان خصوصی محکمہ زراعت توسیع کے ڈپٹی ڈائریکٹر شیخ محمد یوسف تھے۔ تقریب سے خطاب کرتے ہوئے فا رم ایڈوایزری سنٹر ملتان کے منیجر طارق جاوید نے شرکاء پر زور دیا کہ وہ اپنے وسائل کی مناسب منصوبہ بندی کریں اور ہر فصل کاشت کریں تاکہ مارکیٹ کے اتار چڑھاو سے متاثر نہ ہوں۔ انہوں نے ایف ایف سی کی زرعی خدمات پر روشنی ڈالتے ہوے بتایا کہ کمپنی اپنے منافع کا ایک کثیر حصہ غریبوں اور ناداروں کی فلاح و بہبود پر خرچ کرتی ہے۔ اس کے علاوہ زمینداروں کے لئے پانی اور مٹی کے مفت تجزیہ کی سہولت بھی موجودہے۔اسی طرح کمپنی ہر سال اہم فصلوں پر نمائشی پلاٹ لگا کسانوں کو جدید ٹیکنالوجی کے بارے میں آگاہی بھی فراہم کرتی ہے۔انھوں نے زمینداروں کہا کہ وہ فصلات کو کاشت کرنے سے پہلے زمینوں کا تجزیہ ضرور کروائیں۔تاکہ بہتر پیداوار حاصل ہو سکے۔ کاشتکار ایف ایف سی کی لیبارٹری سے مٹی کے ٹیسٹ کے بعد کھادوں کا استعمال کریں ایف ایف سی کے زرعی ما ہر محمد طیب نے پلاٹ پر اپنائی گئی جدید ٹیکنالوجی کو تفصیل سے بیان کیا۔ انھوں نے بتایا کہ پوٹاش کے استعمال سے چاول کا وزن بڑھ جاتا ہے اور کوالٹی بہتر ہو جاتی ہے۔متوازن و متناسب کھادوں کے استعمال سے چاول کی بھرپور پیداوار حاصل کی جاسکتی ہے۔انہوں نے اجزائے صغیرہ کی اہمیت پر زور دیتے ہوئے کہا کی زنک کا استعمال ناصرف فصل کی پیداوار بڑھاتا ہے بلکہ ہماری خوراک کا بھی ایک اہم جز ہے۔ سونا بوران تین کلوگرام فی ایکڑ ڈالنے سے سٹے میں دانوں کی مقدار زیادہ ہو جاتی ہے۔ انھوں نے بتایا کہ بیج کو دوائی لگا کر کاشت کرنے سے فصل بیماریوں سے محفوظ ہو جاتی ہے۔ انھوں نے مزید بتایا کہ پانی کے مناسب استعمال، جڑی بوٹیوں کے بروقت کنٹرول، اور کوالٹی بیج کے استعمال سے کاشتکار چاول کی ۰۵من فی ایکڑسے زائد پیداوار حاصل کر سکتے ہیں۔انہوں نے بتایا کہ ہماری زمینوں میں نامیاتی مادہ کی شدید کمی ہے جس کی وجہ سے پیداوار کم ہو رہی ہے۔ اس لئے مصنوئی کھادوں کے ساتھ گوبرکی کھاد کا استعمال ضرور کریں ،چاول کے مڈھوں کو آگ مت لگائیں،جنتر کی کاشت کو فروغ دیں اورفصلوں کا ہیر پھیر کریں تاکہ زمین کی زرخیزی بحال ہو سکے یوسف الرحمن نے ایف ایف سی کی زرعی خدمات کو سراہا اور گندم کی پیداواری ٹیکنالوجی کے بارے کاشتکاروں س کو اگاہ کرتے ہوئے کہ اچھی پیداوار حاصل کرنے کے لیے صحت مند بیج کاانتخاب کریں۔بوقت کاشت ڈیڑھ تادو بوری ڈی اے پی، ایک بوری ایس او پی اور تین کلو فی ایکڑ بوران کااستعمال کریں۔ بعدمیں دو تا تین بوری یوریا فی ایکڑ پہلے اور دوسرے پانی کے ساتھ موسم اور فصل کی حالت کو دیکھ کر ڈالیں۔ کاشتکاروں نے نمائشی پلاٹ کا دورہ بھی کیا اور ایف ایف سی کے نمائشی پلاٹ پر اختیار کی گئی تیکنالوجی کا معانیہ کیا۔ پروگرام کے اخر میں گندم کے بارے اگاہی واک بھی کی گئی جس میں علاقے کے کاشتکاروں نے بھرپور شرکت کی۔