تنظیم کے صدر شاہد چوہان نے مزید کہا کہ اوورسیز پاکستانی صحافی اپنے مثبت کردار سے پاکستان اور دنیا کے دیگر ممالک کے درمیان تعلقات کو فروغ دینے میں پل کا کردار بھی ادا کر رہے ہیں جن کے کردار کو حکومتی سطح پر نا صرف سراہا جانا چاہئیے بلکہ ان کو سہولیات سے بھی آراستہ کرنا چاہئیے. انٹرنیشنل ایسوسی ایشن آف پاکستانی جرنلسٹس کے سینئر نائب صدر خرم شہزاد اور جنرل سیکریٹری مہوش ظفر کا کہنا تھا کہ ایسوسی ایشن میں شامل پاکستانی صحافی محنتی ہیں۔اجلاس میں سینٹرل ایگزیکٹو کمیٹی کے چند نئے عہدیداران کا اعلان بھی کیا گیا جس میں انگلینڈ سے وسیم چوہدری چیرمین اور امارات سے سعدیہ عباسی وائس چیئرپرسن کے فرائض انجام دیں گی اسکے علاوہ سپین سے کرن خان اور انگلینڈ سے عرفان فراز نائب صدور ہونگے جبکہ روس سے شاہد گھمن جوائنٹ سیکرٹری اور سعودی عرب سے ذکاءاللہ محسن انفارمیشن سیکرٹری کے طور پر کام کریں گے.
فنانس سیکرٹری وسیم بٹ، سعودیہ سےایگزیکٹیو ممبر شاہین جاوید و دیگر نے شرکت کی. تمام عہدیداروں نے اس عزم کا اعادہ کیا کہ وہ دنیا بھر میں پاکستانی صحافی برادری کو ایک پلیٹ فارم پر جمع کرنے اور ان کو حقوق دلانے کی جدوجہد میں اپنا عملی کردار ادا کرتے رہیں گے.
ہم نے دنیا بھر میں موجود ورکنگ جرنلسٹس کو جمع کر کے منظم بنانے کیلئے ایک ایسا پلیٹ فارم مہیا کیا ہے
